成日睇小菲菲俠蒸饅頭同肉包子!睇到我口水流~終於買來乾酵母~
除咗整pizza~另一目的就是學人蒸饅頭喇!食譜就用咗小菲菲俠的~
繼上星期第一次蒸咗個"天花饅頭"大失敗後!
我心心不服!無奶油人得我唔得心態下~我要再戰江戶~
哈!今次又比我得咗喇!
睇下~撕開裏面組織係咁樣!都幾鬆~不過咁樣算唔算做得好呢?
重有就係發現我個煲太細!無位比佢發!蒸咗出來完全迫爆!
個樣似皇冠包多d!hahaha~
其實我好努力咖!上網周圍搵片睇!事關我未學過搓包包!
湯丸都未整過~咪話搓粉啦!簡直門外漢一名!
但又比我搵到片睇喎!對我非常有用!
發現自己錯在搓皮方法!因為我用咗搓油酥皮方法咁搓佢~
hahaha~我傻咖!
雖然雞手鴨腳咁完成!但都叫做見得下人啦~
唔駛好似第一次咁~成面天花丫!
唉~話時話我唔記得同"天花饅頭"映番張相添!
下次再衰咩野都應該映相比番自己第日睇先得!
呵~呵~今次好開心!我由尋日睇到我d饅頭出世就開心到e家!
個種開心真係天下無敵~難以形容!
相信好多喜歡自己整野食的朋友仔就一定明我講咩喇!
