2010天台鳥巢事件簿(二)之築巢篇28/5

                       

                                     攝於2010年5月27日早上六時半

                       

                                          攝於2010年5月28日早上六時半

睇唔睇得出三日的分別呢?
從這個角度看和之前兩天的情況看來幾乎大同小異!
不過根據爸媽的情報
這個巢基本上已經起好,係可以生蛋咖喇!
所以我就拿張梯用
從高處向下映

                        

                                                                  看下!

                         

多美的巢!築得好靚!萬物真神奇!
一隻鳥天生就會築巢!不用像我們要讀這讀那才學會!
個巢內部構圖好靚!小小的枯枝就可以完成!
反觀我們人類就只為地球增加廢物!
真要好好反思!
真不想將來我們的下一代,看不見地球的美景!
不過我真的好開心,今年能夠有雀雀在天台出生!
而且還是第二巢!
好緊張啊!
好像自已有咗咁!
生完第二巢!真想還有第三,四巢啊!
可惜要偷拍雀爸媽不易啊!
而且無錢買支長炮回來拍!
不過正想買部好些的相機回來!
現在用緊部卡片機好多相都拍得不好!
雀雀BB我等緊你出生啊!好開心!好期待!
之但係~~~明天我要陪母親大人返大陸,要星期一至返得來!
咁~~~應該係我返來時佢都生咗蛋!
OH!~~希望我個紙版父親大人唔好嚇親佢地雀雀一家啦!
真係要天主保佑囉!!! ~~~

 

 

 

 

 

 

藍莓提子雪條

自從母親大人隻手做完手術後!我要做埋好多家中事務,都無時間做蛋糕住!
近來手痕得好緊要!個口同個胃都好痕!咁點算呢!
好在個日在blog度兩頭遊時,忽然見度有個blog友話可以攪爛d提子加d檸檬汁可以自制雪條!
都唔錯喎!咁我就自已亂咁試喇!
因為個blog友只係講做法,係無份量!
所以我只係量過我個雪條模要幾多重量的液體!
咁 ~~~我就有斷估無痛苦咁亂來喇!
出來成品唔錯!我都幾滿意!好好味~~
做法簡單又健康!
好正啊!!!

材料份量 :

紅提子(原本只係用任何提子,無落藍莓)
藍莓(家中用剩,順手放埋落去)
檸檬汁(隨意,我用左大半個)

*個模用320g液體,咁即係提子加藍莓肉要超過這個份量!
  我用左兩樣加埋超過450g!出來啱啱好!

做法 :

(一)生果洗淨吹乾,提子不需去皮及核

(二)同放食物處理器攪爛後加檸檬汁

我無加糖,因為父親大人有糖尿病,這樣做都夠甜!因為d提子都好甜
如果各位試味後覺得唔夠味.可減檸檬汁份量同加蜜糖!
加蜜糖比加砂糖健康,舊年試過做石榴味沙冰改加蜜糖効果都不錯啊!

(三)然後隔渣!剩下的汁液倒入模放冰格即成!

出來樣子不錯!酸酸甜甜的好醒胃啊!

雪好後起模,用焗蛋糕的腊紙或牛油紙每條包好放在密實盒!

再放回冰格,可方便家中各成員隨時食用!

2010天台鳥巢事件簿(二)之築巢篇26/5

攝於2010年5月26日早上六時半

話說上星期日吃晚飯時
父親大人 : 喂!老婆!你棵野又有雀來整個巢喎!我掉左佢地d葉佢又來起過喎!

母親大人 : 你唔好咁多事啦!成日搞搞震!咪又得佢地囉!等佢地係生下雀啦!(事關父親大人好搞野,可以搞到雀都怕左佢)

父親大人 : 但係佢係你棵香草度築巢喎~~~~

~~咁~~~我同母親大人都心想係咪佢講錯咗位置呢!
啱啱飛走個隻雀雀巢起係棵椂柚樹度喎!!!棵香草咁細掂樣築巢呀!!!
~~咪玩野啦~~
之但係當父親大人帶我地睇時~~
唉~~~真係玩野囉~~O哂咀~~

居然起係rosamary度!!!重咁觸目!!!

我話 : 咁嘅環境都係度生仔!第時生咗蛋!我行埋去都可以囉度隻蛋啦!
焗下蛋糕又得!做下布丁又得!蒸下蛋都得!得咗!
簡直當我地死嘅!個天台好似變咗雀雀產房咁!
我以為香港人精神有問題啫~~咩幾時連d雀都精神有問題咖~~

母親大人 : 可能係咖!新壚都有雀用鐵支築巢啦!佢唔咁做咪我地執到啦!

我話 : 阿媽!咁不如你聽日掛個牌係天台,用雀文寫住"有房出租,歡迎生蛋,租金特平"  啦!

母親大人 : 又好喎!有租收喎!

父親大人~~無反應~~一貫佢作風~~鍾意就有反應!唔鍾意就變紙板人~~

不過我會暫時做下狗仔隊!追擊雀雀築巢實況~~hahaha

佢重越起越大喎!!!

 

唔知係咪瓜???

E朵花係舊年同事種係公司嘅!但係就無人知係咩來?
連佢自已都唔知?

因為佢種得太多唔同品種植物!真搞野~~
本來想等佢謝咗睇下會唔會生到隻瓜出來~~

掂知就~~公司理事叔叔斬咗~~
有無人路經E度?

見到又知可以話我聽呀?~~

2010天台鳥巢事件簿(一)

今年又有雀雀來生蛋囉!重生得出雀雀!
哇~~我同母親大人忍得幾辛苦!
發現咗好耐都唔敢講~~咪就係驚父親大人知道又去監視雀雀囉!

見唔見到啊???個圈裏面咪就係雀雀BABY囉!好Q咖!

但好離奇???今次E隻雀個巢起得好低~~唔哂用梯都見到個巢~~
但更離奇嘅事係我父親大人居然一直無發現佢地!
由生咗蛋!BABY出咗世!食埋蟲大咗飛走埋都唔知喎~~
不過都好~~雀雀BABY可以平安咁大咗喇!

 

 

 

2009天台鳥巢事件簿(二)

上次鳥巢事件隻雀明明飛走咗!但事隔大約兩星期後佢居然返來再生過!

真奇怪?但動物生態我唔多理解???

總之~~然後都係失敗!d蛋再一次死咗!

不過今次唔關父親大人事!佢事後被全家人話佢多事!

哈哈!搞到佢都唔多開心呢!

2009天台鳥巢事件簿(一)

 喂!天台幾時有雀蛋咖?無人知播?(已經係去年四月的事)

咁.....最後隻雀都出唔到世喎!!!!

掂解?...

咪~~我個父親大人日日坐係天台度!睇住隻雀媽幾時番來餵雀!幾時出去揾蟲蟲攞~~

咁最後雀媽都嚇走埋囉~~

慘!!!蛋都死埋!!!

食點心喇!

十元一盒都幾扺玩!但太耐無用支針縫野......退哂步!重有我發現隻眼老花

好味!

食咗佢先!

公司保安

牠是我公司的小小保安員!牠是自已走來的,然後留下便不肯走了!這張是小時的樣子

非常喜歡玩!重會自已入寫字樓找我們陪牠玩!

這個是大個仔的樣子!

但大個仔後,個樣居然似隻豬!個個都咁話,但佢依然咁鍾意玩!

 

 

心情好~~

心情好啊~~終於叫做有d裝修咁啦!唔駛咁失禮囉~~但重未有時間錄番我d蛋糕記錄啊!!!我要努力努力!!!