出世後~29-05-2012

   紅耳鵯其實真係好靚!性格活潑~聲音悅耳~尼個係我的體會

 

餵飼中~不過我搞住哂!無法啦!只有早上可以映到收工返來都天黑了~~

我鍾意佢個髮形~好鬼型仔咖!

鳥bb仍是咁醜樣!不過一天天睇住佢地大!好開心咖呢!

我出世囉~27-05-2012

Hi~我終於出世囉~
唔好笑我醜樣啊~大咗我好靚仔咖!
我地一家五口好幸福咖!
Dad同Mum都好鍚我地咖~

 

見唔見到我地三個呀?hahaha~

我Dad同Mum係咪好靚仔靚女呢?


後話~其實映相時己經是佢地出世後的第二天了!

以上鳥bb的相都唔易映咖!企上梯度等咗好耐!因為鳥媽一直望實我!
鳥bb唔郁好難映得到!遠看只是一堆野咁~等到我手腳都係咁比蚊叮!痕4我唷!
以下是鳥媽厲住我個樣呢!

我移向邊個位佢都望住我咖~

睇佢幾緊張?不過咁耐我都無掂過d鳥bb~
因為我知道只要我掂過佢地!雀爸媽就唔會再理佢地!
我唔想害4佢地啊!

雀媽好努力(24-05至25-05-2012)

今次最大分別就是可以近距離看到雀媽!
蛋未出世佢真的4都唔飛走~
剩係眼厲厲咁望住我囉!

報喜-2012

我天台又有喜囉!今次都是紅耳鵯呢!

待鳥媽離開趁機看到有三隻蛋呢!和上次一樣!

待小鳥出世後再post相出來!暫不可再打攪鳥媽啊!

母親節蛋糕

母親節前那天!是肥細佬的假期~那便提前一天慶祝!
星期五那日收工後拿拿聲做了這個雜莓法國白芝士蛋糕!
到星期六下午收工後就走去買士多啤梨和沙律等等等~材料就高速回家了!
拿拿聲同個餅脫模組合!變身成尼個蛋糕囉!

跟住同肥細佬兩人分工做pizza同沙律~
好在肥細佬係樹咪以我龜速咁樣實有排至食得呢!

pizza剩得張未入焗爐前的相~哈~一出爐就火速食咗~相都唔記得映呢!

開餐~沙律+pizza+小部份外賣即食野!
娘親好滿意個蛋糕呢~ ^ ^

好可惜我尼個無鬼用的人~唔知點解星期日一早起身就覺得自己唔妥!
oh!!!no~~~下午重發燒無力~~~~爬到床上終於瞓著了!
睡了~~肥細佬收工番到來嘈醒咗我~~跟住聽到阿娘話煮咗通粉比我食!
媽咪~鍚哂你!世上只有媽媽好真的沒錯!
朋友們真的要好好鍚母親啊~不要只是那天才是母親節啊!
好在平時都經常幫輕我娘啫~那天真的有點歉意呢!

被遺忘了的雜莓乳酪

 

哈~相片唔係我映的!
睇番阿妹e比我d相先記得!易做又好味又靚!
材料只是原味乳酪+粟米片+新鮮士多啤梨藍莓+自制藍莓果醬!
層數材料隨意加減~適隨專便!
食完都小好多罪惡感呢!正!

 

其中三杯!當時我自己忙整緊乳酪都無映過相!整完掛住食都唔記得咗了!
哈~唔係阿妹映低我都唔記得咗~己經是新年的事了!

紅磚頭戚風

你地話~佢似唔似磚頭?一舊紅色磚頭!
其實佢係紅麴戚風~不過味道香氣都似南乳!
食落令我個腦不停咁諗住南乳雞啊!南乳雞啊!
哈~好奇怪的感覺!明明我食緊蛋糕!但係我諗緊南乳雞嘅?
似唔似d人拍拖一腳踏兩船呢?攬住阿A個心諗住阿B!

死~我又講費話喇!
收口~繼續食磚頭!

日式草餅

日式草餅~尼樣甜品從來都唔係我杯茶!
應該話一律尼類口感嘅甜品我都無興趣!
甚至好多中式甜品我都天生唔鍾意食!
所以細個時反而小食甜品!
年紀大大下隨著社會進步!中西文化衝擊下!連我嘅飲食口味都有好大變化!
所以我自小都較喜愛西式甜品!
蛋糕啊~雪糕啊~布甸啊~細個一見就會兩眼發光!即刻變日式兩眼閃閃漫畫女生
講咗咁多費話(無人想知你鍾意食西式甜品野)~咁點解要做佢?
咪因為屋企過年蒸糕時剩低好多粉囉!除咗過年~
平時屋企唔會見到有糯米粉 , 粘米粉出現咖!

上次書店大特價買咗一本專做日式草餅嘅書!
買佢因為d相靚囉!自己唔食咪玩完迫人食囉!
嘻~嘻~嘻~我成日都係咁做嘅~將邪惡帶比身邊人!
其實我是女魔頭來咖~hahaha~
咁清粉大前提下一於試佢囉~屋企隻肥細佬又鍾意食喎!
唔駛謊無人幫我食啦!
唔~不過今次做得唔靚!重有好大改善空間!
重有個好大問題?本書話皮要30g餡就5g!!!
撞鬼咩!包個陣一量就心諗d餡小成咁邊包到呀?
自己將整碗餡的總重量除開8粒(因為皮分到8粒)
每粒餡平均分到15g!
但切開一睇!餡加咗兩倍個皮都咁厚!食落口皮厚餡小!
好在味道都唔差!重有粉剩低!下次再整一定要再加餡先得!