2010天台事件簿(二)之離巢篇(21-6)

昨天好早就起程番香港!一回家就走去睇下雀雀!
噢!!!~~~果然如我所料!
鳥去巢空!!!但我又見到雀爸媽含著蟲蟲回來喎!
咁點解呢?????
我問父親大人有無見過雀雀?佢話"今朝重係度喎!唔見左咩?"
咁個巢又真係無野喎!我地以為雀雀剛學會飛!可能飛走左囉!
因為父親大人每天節目都係坐係天台對住d花!
咁後來又比佢老人家發現喎!立刻下來叫我立部機影相喇喂!~~~

等我扮雀雀講野先~~

"媽媽!個傻婆又來喇~~我重未識飛啊!好驚呀!!!"
媽媽話"你快d飛啦!哥哥姐姐都學曉喇!佢地己經呢埋左啦!你重企係度?!"

"媽媽!咁雀地最細個嘛!"
"哇!佢伸隻咩野紅色野埋來?我飛唔起啊!好驚呀!媽媽"

媽媽話"佢再搞你!我就啄佢個頭!個傻婆日日都唔知搞咩野"
"喂~~喂~~喂!你唔好再搞我個仔!我地啄你咖喇!"E句係雀爸媽一齊對住我講嘅?!

查實我影緊相個陣!都驚住嚇親小雀雀!
你地有無發現佢隻翼放係葉上面!因為佢未飛得起要借力支撐佢身體重量企係枝上!
當時我係用半蹲下動作,再伸長隻手剩係伸部機埋去影!
我個頭完全無伸埋去近距離睇佢!
而且雀爸媽係附近跳來跳去係咁叫!
我真係驚佢地會飛落來啄我個頭咖!!!~~~
好在e家d相機有大畫面睇到野!
可惜我部機唔係咁好!影得唔清!
星期六個日要返大陸唔敢借同事部機係身驚唔見,所以還番過佢!
今朝佢地雀雀全家己經離開哂囉!我己經聽唔到雀爸媽的聲音囉!
不過算係好彩都見到佢最後一面呢!
算係咁啦!
886!你地要平平安安快高長大啊~~